كلاب الدوبر مان بنشر

كـــــل ما يخــــص الدوبــــــ مان ـــــر doperman pincher

اهلا بيكم ياشباب وكل عام وانتم بخير وصحه وعافيه ان شاء الله حنتكلم علي كلب في غايه الجمال والروعه وهو كلب حراسه من الدرجه الاولي هو الرشيق القوي هو مفتول العضلات هو الذكي اللماح ولو وجدت جميع الصفات الممتازه لن ولا اوفي حق هذا الكلب وهو كلب الدوبر مان

تاريخ الدوبر مان:-

هو كلب الماني الاصل تم تهجينه علي عده من السلالات منها الروتولير اما في البدايه لابد من وقفة وفاء للرجل الذي قام بعمل التوليفه الوراثيه الرائعه حتى يخرج لنا كلب الدوبر مان بهذا الشكل اليوم هذا الرجل هو(لويس دوبر مان) من مدينة ابولدا - مقاطعة ثرنجيا بالمانيا وكانه ترزي يفصل كلب يجمع بين القوة والرشاقه كلب متوسط الحجم سهل التدريب له ولاء تام لصاحبه لا يحب الغرباء من البشر ومن الكلاب ولا يندمج معهم ولا ياكل بسهوله من يد غريبه وقد حصل بذلك التهجين على كلب دفاعي من الطراظ الاول والنموزج الاول من هذا الكلب جاء نتيجة تخليط سلالات كلاب مختلفه تتميز بالقوة والشجاعه والجراه مثل الروت وايلر و كلب الرعاه الالماني (اولد جيرمان شيبارد) والسلوقي والجراي هاوند والفيمارانر وكلاب الرعي من مقاطعه ثرنجيا .
وقد قام هاوي اخر اسمه (اوتو جولر) بتطوير وتثبيت السلاله بطريقه تدريجيه حتى استطاع الوصول الى الكلب الحالي واصبح سلاله ذو مواصفات ثابته وقياسيه وطباع محدده مثل شدة الملاحظه اليقظه والولاء التام لصاحبه واطاعته الاوامر بطريقه عسكريه وهذا عكس ما يشاع عنه من الغدر .

ودي بعض الصور لكلاب الدوبر مان من سنه 1930 وتبين تطوير السلاله من ايميها الي وقتنا هذا:-

استخدامات كلب الدوبر مان:-

يستخدم كلب الدوبر مان في الحراسه لانه يتمتع بذكاء وخبره خارقه في هذا المجال اي وهو يتحسس الخطر من بعد وحاسه السمع قويه جدا جدا اي انه يسمع دبه النمله
ويستخدم ايضا في مجال الصيد وصيد الحيوانات الكبيره مثل الغزال وحيوان المو لانه يمتلك فك قوي وشديد وجسمه القوي يأهله لعمل ذالك وسرعته تجعله يقنص الحيوانات السريعه
ولكن استخدامه في الحراسه هو الاغلب وهو شجاع ومغامر ولا يخاف من اي اي شئ ومتحفظ وشرس مع الاغراب جدا من بني البشر والكلاب ايضا . حتي انا اسميه الكلب ذو المزاج المتعكر لان يتعكر مزاجه مع الاغراب ويكون خطر عليهم ويكون كالطفل الودود مع صاحبه.
وكلاب الدوبر مان يا احباب تحتاج الى تدريب عضلي يومي مستمر وكذلك تدريب ذهني يومي لكي يتدرب على المطلوب منه ولا يتعلم الشراسه والتخريب لان الكلاب عموما اذا لم تتدرب على طبيعه الاعمال المطلوبه منها يكون الضرر منها اكثر من نفعها والتدريب يكون عالاقل على المشي مع صاحبه وتعلقه به .
وهو يستطيع العيش في حدائق المنازل والاماكن التي يعيش فيها الناس وحدائق البيوت واسطح المنازل وهذا يعطيه نوع من الاستقرار النفسي .

وصف الجسم :-

شكل جسم الدوبر مان مربع تقريبا اي انه من ارتفاعه من القدم الى اعلى الكتف مساوي لطوله من تحت الرقبه الى الذيل اي ان النسب مربعه تقريبا وجسمه عضلي في تكوينه ولهذا فهو كلب قوي رشيق .
شعره قصير وناعم واملس ونائم وملتصق بالجلد وهذه الرشاقه تظهر تفاصيل عضلاته وخاصة الكوع والمفاصل ونسبة الدهون تحت الجلد رقيقه . وقفته فيها كبرياء واضح وشجاعه ويقظه تخيف اعدائه زي الصورة

ويولد الجرو الدوبر مان بذيل ويتم قطع الذيل عند الشهر الثاني ومن السهل قطع الذيل للجراء من قبل الهواه ولكن يفضل ان يكون علي يد دكتور بيطري ويتم عمل عمليه قص الاذن والعمليه دي صعبه جدا جدا وسيبك من الناس اللي تقولك ( ياعم ده انا اجيب المقص واقص ويبقي كله تمام) سيبك من كلام المساطب ده وتعرف ان اللي بيقول كده يبقي راجل فتشه معلش علي الالفاظ عشان انا بزهق من الناس دي:sly00000:
ويتم عمل العمليه في المستشفي البيطري الشعبي في القاهره ويتم حجز الكلب اسبوعين يتم فيها قص الاذن بواسطه الليزر ويتم عمل عمليه في الاعصاب ويتم تركيب مشبك معين لتوقيف الاذن وتركها مده اسبوعين واعطاء الكلب فيتامينات وادويه اعصاب وتستلم الكلب ودانه منتصبه بس تكلفته كبيره جدا لذلك معظم الدوبرات هنا في مصر تلاقي الودن نايمه وانا ودان كلبي نايمه برده :no000000:

دي شويه صور لكلاب مش معمولها عمليه الودن ولا الذيل ومعظمعها في المانيا لانهم بيستحرموا العمليه دي:

ودي صور لكلاب بيتعملها عمليه الودان ( عشان متقلوش حرمتكم من حاجه كلاب الدوبر مان بنشر Msn-wink

)

موضوع جامد جدا

شكرا على الموضوع الرائع ده ونتمنى المزيد

شكرآ علي الحاجات الجااامده ديه يا مان

ميرسى على المعلومات الجميل دى نتمنى منك المزيد

» كلاب التبيتان ماستف (من اندر كلاب العالم)
» كل ما يخص الدوبر مان
» كلاب البوكسر
» كلاب البرادور
» كلاب البوكسر