فضائيات اونطه ؛؛؛ ياريت نغير المحطه

بسم الله الرحمن الرحــــــــيم

لكل رأي ؛ رأي آخر مساو له في القوة ومضاد له في الاتجاه
السلام عليكم ورحمة الله وبركاته

بدات كلامي بقانون الاتزان .. بس مش بتاع نيوتن.
ده قانون اتزان لفت الأنظار والشهرة لفضائيات الأونطة.

ياتري ايه اكتر حاجة بتلفت انتباهك وانت واقف في شباكك ؟..
نازل من بيتك ؟.. قاعد في شغلك ؟.. في جامعتك ؟.. رايح في أي مكان
في أي وقت من الأوقات .
اسمحلي اريحك من التفكير .. وهاقولك .. حاجتين اتنين يحققوا المطلوب
1- هاتعدي عليك واحدة حلوة .. تاخد عنيك عليها .
2- هاتلاقي خناقة جامدة .. وقوام تروح تتفرج ومش بعيد تبدي رأيك وشوقك لمنظر الدم

رقم واحد مش موضوعنا ..

اما رقم اتنين فندخل بيها علي موضوعنا
وسيلة غير لطيفة .. غير أخلاقيه بالمرة
لما كل قناة اخبارية أو رياضية بتفتح جديد وعشان تشد أكبر جمهور
تلجأ لبرامج الخناق وليس النقاش وليس الحوار
عزيزي القارئ اذا كنت تعتقد ان قنوات الخناق هي الأكثر مصداقية
اسمحلي احطملك معتقداتك وأقولك
هذا القنوات تقدم لكم الأونطة

المصيبة اننا كلنا بنحب الأونطة .. اه والله فعلا
ونحب نشوف ده بيمسك في ده علي الهوا .. وده بيشتم ده قدام الجماهير
هو ده اللي بيستهوينا ؟؟؟؟؟
يا جماعة نحن شعب الاسلام .. دين اللطافة واللين والهوادة مش معقول
مناقشاتنا تكون بالمنظر ده ونقول عليها مصادقية
ده احنا لو دي مصداقيتنا في التعامل مع بعض تبقي فضيحة
(( ولو كنت فظا غليظ القلب لانفضوا من حولك ))

هايقول عليا ايه ابني وانا باكل من الأونطة دي .. في السياسة والأخبار والرياضة والاقتصاد والدين .
اولا : مش هايعرف ينتقي مصادر معلوماته
او يهتم بصحتها .. وبكده أجيالنا الجاية كلها هاتتملي بالبدع وصعاب الأمور
اللي ربنا سهلها علينا.
ثانيا: مش هايصبر علي اخوانه واقرانه وهايبدأ دايما بالسب واللعن
والصوت العالي ظنا منه انه كده بيثبت مصداقيته .

انا عارف اني مش هاقدر أوصل صوتي لأصحاب الفضائيات
بس اعرف اوصله لأصحابي وحبايبي اللي هنا ..
الخناق ده مش ديننا يا جماعة مش سمات المسلم .. مش بتاعتنا
ياريتنا نعرف انها أونطة .. وياريتنا نغير المحطة.

موضوع جميل ومفيد ونتمنى المزيد

شكرا يا تيفا على ردك ويا رب كل مواضيعى تعجبك

موضوع جاااااااااامد

موضوع جميل يا بيسو اوي و يستحق القراءة بجد و يا رب الكل يفهم اللي بيحصل من حولنا صح و لو لمره فضائيات اونطه ؛؛؛ ياريت نغير المحطه 55220

موضوع جميل نتمنى منك المزيد

» لكل بنت على الفيس بوك ياريت تقرا الرساله دى
» سؤال و ياريت الاجابة بصراحة للجميع؟؟؟؟؟