صفات البنات ....هذا الموضوع ردا على موضوع الملاك الحزين(هذا زمن البنات)

النهاردة جايب لكوا صفات المخلوقات الرقيقه اللى عايشه معانا (كلام اغانى بس)
الحمد لله مش هقول كل البنات بتتمتع بالصفات دى هقول 99% بس ههههه
(ولله الحمد فيه 1% مش فيهم الصفات دى)
ههههههههههه تعالوا نشوف هى ايه

1- النكد
مشفتش اى بنت مش بتحب النكد والنكد ليه صور كتير
الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )
طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط
حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)

2- الميول العدوانية
عمرك شفت بنت بتتفرج على مصارعة ؟؟؟
ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)
3- الاصراف
بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ
تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول

4- الغيرة
الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند
العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء
البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها

كل واحد يقول رأيه ولو عندكو صفات تانيه ياريت نستفيد منها Laughing

موضوع جميل جدا يا بيسو بس ممكن نضيف برضه ان البنات (بتزعل بسرعة وبتتقمص)

اه فعلا بيزعلو بسرة ويتقمصو وشكرا على ردك الجميل دة يا تفيا ويصبرو بس عليا دنا عندى مواضيع كتير كويس ان الملاك فتحت باب التحدى والمناقشة انا بحب الحاجات دى اوووووووووووى

ههههههههههههههههههه تبقى قابلنى لو اى بنت من المعانا من المنتدى ردو بس ياريت متكسفونيش لا باين عليا هتكسف ههههههههه

سورى يا محرم بس البنات محدش يغلط فيها طول ما انا عايشه ههههههههههههههههههههه بقى البنات هما الا نكديين ده انتو الا نكديين وعايزيين كل حاجه تبقى ليكوا اصبرووووووووووووووا عليا بس لما افوق اليومين دول واظبط مذكرتى وحيات دى لوريكم نحن نطالب باضافه قسم لحقوق المراه هههههههههههههههههههههههههههه شعارنا المرأه فوق الجميع

محدش يقدر يغلط في البنات طبعا بس أهدي شوية يا ملاك أنتي داخله سخنة أوي كدة ليه وان شاء الله هنعمل موضوع قسم حقوق المرأة ههههههههههه scratch

يا عم قسم اية دة اللى يتعملهم دوول عايزين قسشم اسمة (حياة المرأه تحت رجل الرجل )

وطبعا انتم نكديين جدا وعلى طوول تنكدو علينا على الفاضى والمليان
وشعارنا المرأه تحت رجلين الرجالة ومن غيرنا اصلا مفيش مرأه

نحن شعارنا الراداله تحت الجزمه مش الرجليين رجلينا ممكن تتوسخ وكمان الراجل بدون مراه لاشى والمرأه كذلك وكمان مره نحن نطالب بقسم لحقوق البسكوتات الرقيقات بنوتات المنتدى يا رداله يا نكديين يلا 111 مروسومه ع وشكم ع طووووووووووووول لكن احنا ذات البسمه والابتسامه

انتى بالذات متكلميش عن البسمة والابتسامة دة كفاية اسمك الملاك الحزين يا شيخة هو فى ملاك بيبقى حزين حرام عليكى
انما احنا ذات البسمة والتبسم وحتى البسمة والتبسم معنى كلمة باسم المبتسم ولا اية صوح ولا مش صوح
وبالنسبة للرجالة دائما وابدا فى القمة ومفيش راجل ابدا تحت رجل مراتة ولا انتى مسمعتيش عن سى السيد يا حاكمهم
وسى بيسو يا ظابتهم دة الراجل لما بيرجع من البيت مراتة بتغسلو رجلة من التعب

ده كان زمان انت مش عايش فى العصر ده ولا ايه ده عصر المساواه
وبعدين لو احنا فينا كل الصفات الوحشه دى(وده مش صحيح)
ليه بتمشو فى الشارع تعاكسوا البنات وليه من اساسه بتتجوزوا طالما احنا مش عاجبينكوا ومتقوليش انك هتتجوز واحده من اللى فى الواحد فى الميه اللى كويسين لانك انشاء الله هتقع فى واحده هتوريك النجوم فى عز الظهر (يااااااااااااااااااااا رب

الشباب اللى بيعاكسو بيعاكسو علشان اللى لابسينة البنات وطريقتهم فى المشى وبعدين سى السيد دة مش زمان بس لا فى دلوقتى سى السيد وسى بيسو كمان وان شاء الله اللى هتجوزها دى هتسكع كلمتى وهربيها على ايدى ان شاء الله

ربنا يكون فى عونها هتتجوزcrazy

ويكون فى عونى انى هتجوز نكدية وهشيل همها

يارب تتجوز واحده فيها كل الصفات اللى انت بتقولها دى عشان تقول حقى برقبتى

ميرسى يا نانو شوفت بقى يا بيسو انا لما كنت مش موجوده بنوته ردت انت بقى لما بتكون مش موجود محدش بيرد يعينى صعبت عليااااااااااا وبعد كده سى سيد ده كان ايام زماااااااااان المرأه اصبحت عامله وبنشتغل زى الرداله وكمان انت دخلت فى علم الغيب وتقول مش كفايه انى هتجوز واحده نكديه وبعد كده انا اسمى الحقيقى مش حزن حد اسم دلعه يبقى ريرى ويبقى حزين وكمان ما انت كان اسمك روميو وعامل فلانتينو واوعى من السكه هههههههههههههههه صوح ولا مش صوح ربنا يرزقك بوحده تطلعه عليك وانا هصاحبه برضاك او غصب عنك وهوريك يا روميو

هوة انتو الاثنين على الواد حرام عليكوا انا هرد عنه في غيابه ده مهما كان ابن خالتي وصاحبي الانتيم

عااااااااااااادى ابن خالتك ابن خالتك بس بردوا انا هخليه يحترم المرأه

أه اذا كان كدة فلازم يتأدب دي المرأة رقيقة جدا وزي البسكوتة في حد يقدر ما يحترمهاش

ههههههههههههههههه يبقى قوله يحسن ده انا ناويه انزل مواضيع هخلى يشد فى شعره اصلا اذا كان عنده شعر ده ع طوووووووووول بيشد فيه لغايه ما بقى ارعه

ههههههههههههههه مش للدرجة دي ده الراجل شعره طويل خلتيه أقرع خلاص
وان شاء الله هوة مش هيشد في شعرة ولا حاجة أكيد هيضيف مواضيع بالهبل انا عارفه لما فكرة بتضرب في دماغه بيعملها

اوكى لما نشوف وانا كمان الا بحط حاجه فى دماغى بعملها

أه ما انا عارف انتي وبيسو عاملين زي المية والنار ربنا يهديكوا يا ولاد قولوا أمين

اميييييييييييييييييييين يا عمو

ههههههههههههههه لا حول ولا قوة الا بالله

ده انتو عقلكم صغير اوى اوى و ايه مراه مراه احنا فى مجلس الشعب هنا ولا ايه انتو قاعدين على النت علشان تتخنقو ال هيدخل المنتدى بعد كده واللهى هيقول علينا اطفال

بس الموضوع والقضية محتاجة اراء يا محرم ومحتاجة مناقشة ومش لازم يبقى مجلس الشعب مكان الحوار والقضايا ويا ريت تنضم لحزبنا ضد هولاء النساء النكديات

بردوا محرم مش هينضم عشان هوه ديمقراطى يا رداله يا نكديين

لا هينضم الينا لانة راجل واكييد هيقف مع الرجالة ولا اية يا محرم انت تبعنا ياااااض

محرم ديمقراطى

انا كمان ديمقراطى بس بحب ادافع عن الرجال لانهم اسياد المجتمع

شكرا على الموضوع الجامد دة نتمنى منك المزيد صفات البنات ....هذا الموضوع ردا على موضوع الملاك الحزين(هذا زمن البنات) 18550

موضوع جميل جدا

شكرا علي الموضوع الهايل دا و نرجو منك المزيد

شكرا على هذا الموضوع وعلفكرا الموضوع ده جامد

شكرا لردودكم الجميلة دى يا شباب

انا معاكىىىىىىىىىىىىى يا ملاك وهنشوف احنا ولا هما قال نكديين قال ماشى انتوا اللى جبتوه لنفسكم صح ولا ايه ياملوكتى ياحبيبتى
واحنا برضوا اللى بنتفرج على مصارعة ده انا مش بطقها وانتوا علطول جايبين ماتش فى ماتش حتى لو فريقين مالهمش مكانة اصلا بتتفرجوا غلاسة علشان مش عايزنا نتفرج على حاجة لكن خلاص زمن سى السيد خلاص انتهى
من النههاردة مفيش سى السيد احنا البنات احنا البنات
صفات البنات ....هذا الموضوع ردا على موضوع الملاك الحزين(هذا زمن البنات) 324483

صفات البنات ....هذا الموضوع ردا على موضوع الملاك الحزين(هذا زمن البنات) 324483

ههههههههههههههههههههههههههههههههههههه
قشطة عليكي يابنوتة
ايوه كده وريهم احنا مين
مفيش بعد كده غير العين الحمرا

ولا ايه صفات البنات ....هذا الموضوع ردا على موضوع الملاك الحزين(هذا زمن البنات) 531386

صفات البنات ....هذا الموضوع ردا على موضوع الملاك الحزين(هذا زمن البنات) 531386

بعد قراق كل الردود يمكن اضافه صفتين للمراه هم:-
عقلهم صغير جدا لحد ما مش اغبياء ومتنسوش ان حواء اللى خرجت ادام من الجنه ومن هنا تظهر الصفه التانيه زنانه وتحرب على خراب بيتها

بس بصر*** صدق اللى قال هما النص الحلو النص الامور
وسلاااااااااااااااااااااااااااااااااام

» ازاى تخنق البنات منك
» انها صور لقلبى الحزين
» كم اسم بنت فى هذا الموضوع
» لذيذ قوى الموضوع
» استأذة الحب......لازم تشوف الموضوع