لكل الشباب اللى ناوى يتجوز....

السلام عليكم ورحمة الله وبركاته

كل الشباب اللى ناوى يتجوز : اعرف البنت من صوتها დஊ¶¶

عملوا تجارب على أصوات البنات في جميع أنحاء الجمهورية وتبين الآتي

البنت اللي صوتها ناعم موووت بس لو جات تتكلم .. كأنها في بير عميييييق .... دي تعرف على طول انها تخينة وعصبية ونفسها تتجوز ابقى دبسها في صاحب عزيز عليك وعاوز تتخلص منه ومش عارف

البنت اللي صوتها خشن زي صوت المعزة ..... دي بنت بتاعة مشاكل ومفيش حد بيعجبها.... نفضلها على طووول وقولها على فكره نسيت أقولك اني بحب سعدية بنت الجيران ومخطوبين لبعض من واحنا في اللفه

البنت اللي صوتها هادي وفيه شجن ...... دي شكلها أستغفر الله العظيم يعني وتحب تزعل\ تعملوا ايه بقى

البنت اللي صوتها مبحوح مش عاوز وصاية يا إبني ......دي قمر وبتحب كل الناس وأنا عن نفسي متأكد من كده

البنت اللي صوتها بيشحط (يعني شبكتها واقعة) لو جت تتكلم تقول عليها نوكيا شبشب ...... دي من حلوتها وجملها ......مش هتلاقي جمبها غير قرد متغاظ واقف قدمها بيقول دنيا حظوظ أنا أتسمى قرد وهيا بنت ... وياريت تبقى تجبلها موز وسوداني

البنت اللي صوتها مش ناعم ولا خشن نص نص يعني ..... دي تعرف انك مش هتاخد معاها لا حق ولا باطل

البنت اللي صوتها لما تسمعته تسمع معاه زنة ...... دي إوعه تقربلها لأنها زي العفريت .. أمها جابتها في ولاده قيصريه يعني عينك هتطلع معها اهرب يا ابني العمر مش بعزقه ولو بعزقه برضه بلاش منها أحسن

البنت اللي صوتها فيه دلع .... دي حنينه جامد قوي وبتحبك هتضرب نفسك بالدازمة لو سبتها , من الآخر كده تستاهل التضحية وإنك تتهبل عليها وتجوزها بس برضه مش مضمون صوتها دي إنت وحظك

البنت اللي صوتها شويه مبحوح وشويه يدي على نغمه حزينه ..... دي طبعها الهدوء وبنت عِشَرية يعني تعيش معاك العمر كله زي غساله كريازي بالظبط ههههههههههههه

البنت اللي صوتها يسمعه البعيد والقريب ..... دي إوعى تزعلها لإنها بتلعب تايكوندو وكراتيه وهتطلع عينك يا بيه

البنت اللي صوتها صغنن وضعيييف قوي .. تحب الخير وكمان رفيعه (يعني مش هتكلفك مقسات خاصة ) نصيحة اتجوزها على طووووول

اوعوا تزعلوا يا بنات Surprised

ههههههههه موضوع جامد بس بالنسبة ليا لو فكرت اتجوز مش هاخد بالصوت ولا بالشكل ان شاء الله هاخد بالقلب الابيض والحنية والاخلاق والاخلاص ان شاء الله
وربنا يسهل بقى
ميرسى على الموضوع يا تيفا