هتعملي ايه لو مخطوبة لواحد زي ده؟؟؟

خطيب بارد جدا جدا

هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا
حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي
تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .
هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس
هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اسمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

........

كنتي هتعملي ايه لو مخطوبة لواحد زيو...؟؟؟

ههههههههه بجد ده شخص مالوش حل وبعدين مش هعمل حاجه مش هعرفه اصلا

ههههههههههههههه

انا اللى ممكن اعمله اسيبه وامشى ويرجعها بقى هو مشى هههههههههه

بجد دة عبيط دة ولا ايه هو ممكن يكون فى حد كدة فى الدنيا

هههههههههههه

ميرسي لردودكم يا باربي ويا دوللي بس في شخصيات باردة كدة على فكرة هتعملي ايه لو مخطوبة لواحد زي ده؟؟؟ Fresse

هو انتم لقين اصلا احمدوا ربكم على كدا وبسوا اديكم شعر ودقن

الحمد لله طبعا على كل حاجه بس لو كل الرجاله كده يبقى بلاها جواز احسن

بلاها خليكم كدا معنسين

هههههههههههه لأ طبعا مش كل الرجالة كدة يا جماعة

اكيد طبعا مش كل الرجاله كده وبعدين ايه ياعمنا معنسين دي انت خلاص شايفنا عدينا خط الجواز ولا ايه

ههههههههههههههههه حلوة خط الجواز دي