تدمير ثلاثة اساطير حول الكرياتين ( رفعت الجلسة )

السلام عليكم ورحمة الله وبركاته
طالما انك بتعتبر نفسك لاعب كمال اجسام , او هاوي للعبة , او حتى قارء عنها فالبتأكيد انت سمعت عن الكرياتين
مع ذلك انا اضمنلك ان اللي انت سمعته عن الكرياتين واثاره الجانبية وتحسين الاداء والقصص المرعبة اللي بتتحكي عنه تخليك حتى تخاف تيجي جنب العلبة احسن تنفجر
وتلاقي نفسك محتار لدرجة تخليك تكلم نفسك , يا ترى المكمل ده آمن ؟ ياترى هو زي ما بيحكوا عنه
وعشان طبعا سيادتك مش دكتور ولو سألت دكتور مصري هيديك المفيد طبعا فخلينا هنا نجيب من الآخر
وانا متأكد بعد ما تقرا الموضوع ده هتغير رأيك تماما عن الكرياتين

بقولكوا ايه ؟ ما تيجي نبص بس . ايه ؟ نبص بس

الاسطورة الأولى :

حاااااااااااااااااااااااسب يا جدع الكرياتين ده منشطاااااااااااااااااااااااااااااااااااااااااااااا اات .......
يا عم بس براحة انت ليه شادد حليك علينا كده استهدى بالله واسمع بس , معظم اذا مكانش كل الناس في مصر والعرب عندهم افكار عجيبة عن المكملات اجمالا مش الكرياتين بس , وبيحطوها مع المنشطات والهرومنات في ميزان واحد ودي اكبر غلطة في الدنيا مش هقول ليه لان الابطال قالوا عنها كتير انا هخليني في موضوعي بس عاوز اقول ان افكار الناس بتخلي كتير من اللي بياخدوا الكرياتين او اي مكمل تاني اول ما يتسأل يقولك لااااااااااااااااا العياذو بالله ( ايه يا عم انت شوفت شيطان ولا ايه ) انا طبيعي انا مش باخد اي حاجة وده عشان طبعا اول ما هيقول انا باخد كرياتين مجرد انه يخرج بره الصالة هتلاقي كل العيال في الشارع بتشاور عليه تقول بتاع المنشطات والهرومنات اهو ههههههههههههههههههه

أولا لازم الكل يعرف ان المنشطات هي عبارة عن النظير الصناعي لهرومن الذكرة اللي هو معرف باسم التيستسترون
وهي ممنوعة ومجرمة في الولايات المتحدة بدون اذن او روشتة طبيب وهي من اختصاص ادارة مكافحة الخدرات
في حين ان انت ممكن تشتيرها من السوق السودا هناك الا انك متقدرش تدخل تشتيرها من محل مكملات , فاهم يعني ايه متقدرش تجيبها من محل مكملات ؟ يعني انت بتجيب الكرياتين من محل المكملات اكيد مش عند الجزار
واذا كنت تقدر تشتيره كده عادي يبقى مش منشطات بالتأكيد

على الناحية التانية زي مانا قولت الكرياتين بيتباع باعداد مهولة في اميركا وممكن تشترية من اي حتة حتى من عند البقال بجد على فكرة بتباع في محلات بيع الخضروات كمان في اميركا
والمادة الفعالة في الكرياتين مش مندرجة في جدول المخدرات او الممنوعات في امريكا وبكده يكون المنتج ملهوش اي علاقة اطلاقا بالمنشطات ولا الهرومونات ولا حتى البتنجان

في حين ان الكرياتين يعد اكبر عامل مساعد للاعب كمال الاجسام في رفع القدرة والقوة العضلية وتحسين خلايا العضلة الا ان المادة الفعالة اللي فيها طبيعية وبعيدة كل البعد عن المنشطات

الاسطورة الثانية :

انت بتاخد حاجة يا وحش ؟ اه كرياتين يا نهار ابيض لازم تكشف تلاقيك عندك فشل كلوي

تدمير ثلاثة اساطير حول الكرياتين ( رفعت الجلسة ) Trying_new_kidneys

يا عم بقى اهدى متخلنيش اتغابى عليك , الكرياتين زيه زي اي مكمل غذائي تاني ليه جرعة معينة ولازم تشرب معاه كمية مطلوبة من المياة وبعدين لازم تعمل تحاليل قبل ما تاخده عشان تعرف انت كليتك سليمة اصلا ولا هي من الاساس تعبانه , ( يا عم مانا عايش زي الفل ومفيهاش حاجة الكلية اهي ) يا عم في ناس بتعيش بكلية شغالة والتانية عطلانة وعم معندهم اي خلفية واهم برده عايشين زي الفل ومع ذلك يا سيدي ؟ كل الدراسات اللي اتعملت على الكرياتين قالت انه ملهوش اي اضرار ولا على المستوى القريب ولا حتى البعيد

الاسطورة الثالثة :

عاش يا وحش انا معاك في كل حاجة تعالى بقى هنا ودي مش هتقدر تثبتها وتقولي امريكا وسوق سودا ولحمة وجزار
من الاخر الكرياتين معظم اللي اخدوه جالهم اصابات في اول استخدامه ودي نقطة تضده مش معاه .......

تدمير ثلاثة اساطير حول الكرياتين ( رفعت الجلسة ) Creatine-myths-cracked-case-closed_csm

ارحمني يا رب برحمتك
بص يا معلم دي بقى اكبر واخطر اسطورة في كل حاجة اتقالت عن الكرياتين لان معظم اللي بيقولها استخدموا الكرياتين وحصل معاهم اصابات مختلفة او تشنجات في العضلات اثناء التمرين
لان زي ما الراجل لسة قايل ان الباقي ممكن تثبته علميا بس خلينا نبص كده واحده واحدة على الكلام الكميل ده
في دراسة اتعملت قريب على 1500 متمرس في اللعبة ( عارف يعني ايه متمرس يا عمونا ؟ ) يعني واحد فاهم التمرين ده بيتعمل ازاي وعارف هو بيعمل ايه بالظبط يعني مش داخل الصالة ضرب الكرياتين ويالا هوب واحد اتنين تلاتة هاتوا اكبر دمبل في الصالة اقرقشة بسناني
والمفاجئة ان الدراسة اثبتت ان احتمالات الاصابة بالنسبة لمستخدمية الكرياين اقل كتير جدا من غير المستخدمين بس يا معلم الكلام ده بينطبق على الناس اللي بتفهم , مش داخل الصالة معرضها وبيقول التمرين ده بيتعمل ازاي هههههههههههههههههههههه
مش بس كده متزعلش يا عم ده عملوا دراسة تانية على لاعبين كرة القدم لقوا ان كل المكملات اللي فيها كرياتين بتقلل احتمالات اصابات العضلات والتشنجات العضلية والشد العضلي اثناء المبارة او المجهود العضلي
يعني ممكن وانت داخل تلعب ماتش في مركز شباب نادي الحبانية تخبط خمسة جرام عشان متجيلاكش ضامة ولا فاتحة ولا كسرة ولا حاجة هههههههههههههههه

مش بس كده عشان متزعلش , الكرياتين عملوا عليه دراسة في سنة 2001 لقوا انه بيساعد في سرعة رفع الاداء في وقت اقل بكتير من المحدد له في برامج اعادة التأهيل

اعتقد كده بقى هتيجي تكلمني على الكرياتين هحلفلك طلاج تلاتة مانا واحده تاني

طبعا ده مش كل اللي بيتقال عن الكرياتين بس انا حبيت اجيب اشهر حاجة اتقالت عنه
واتمنى الموضوع يكون عجبكوا عشان لو كده اكتب تاني
لو معجبش اتكل على الله بقى مع الحاج اللي كان بيسأل واحدف اي حد بياخد كرياتين واقول بتاع المنشطات اهو مع العيال الصغيرة في الشارع برة الصالة هههههههههههههههههههههههههههههههه

انتهي

» كل ما تريد معرفته عن الكرياتين
» % ثلاثة أشياء تأتي بدون ميـ ع ـاد %...
» ثلاثة اسرار تفضح الحب عند الشباب
» ثلاثة اشياء تحدث لنا لولا نعرف ما السبب!
» مقتل ناشط فلسطيني واصابة ثلاثة اخرين بجروح في غارة اسرائيلية جنوب قطاع غزة